山口式 - 紅蓮之眼 + GurrenWing

等左四個月,終於集齊由螺旋眼及Enki所附送的配件,組合而成的GurrenWing,紅蓮之眼終於可以起飛了!!

Enki另有配件裸眼,可重現「兄弟合体」及第三話對決場面.

買埋黎緊十月出既紅蓮之眼最終形態後,應該可以為山口式天元突破劃上句號喇!!當然如果佢出埋「大紅蓮之眼」同「超銀河紅蓮之眼」就最好啦!!

山口式 - ENKI

終於輪到天元突破第一部的歹角 - 比拉魯的專用顔面ENKI推出.在劇中初初登場時以為實力很強,誰不知越來越弱(主角過強吧!!)初初自己對這隻山口式期待度相信是對翼多過本體,但把玩過後,本體又真係不錯喎!!

Box Art & Packing

外形上和劇中顔面比較只可説普通而己,配色上亦不甚搶眼!!幸好配件尚算豐富,要不然真的搵人買了.

頭部有圓角及折角兩種形態.

關節放棄了螺旋眼的切割式關節,改用返一貫山囗balljoint.所以活動能力没甚麼特別.

胸前顔面能做出如大細眼表情,關節設計和紅蓮比較有所改善,應該不會輕易折斷.

武器配件在劇中絶大部份只是曇花一現.包括:

雙刀,但不用三秒已被紅蓮鑽破.

用作逃跑的内臓兵器.

整盒最重要的配件紅蓮雙翼,還附有未奪取頭盔時的裸眼.(配件組合留待下一篇blog吧!!)

今次貨源據聞因代理發生問題,搞到個個要捱貴貨!!如果唔係為左對翼,真係諗過唔買!!黎緊十一二月將推出後期出場的單角型及四手版,應該唔會買啦!!除非跳樓或者又用配件屈錢招數………

阿女去跑歩

自己已經有好多年冇郁動吓啦,加上發覺自己身形日漸大舊,終於"的"起心肝,逢假期都去跑吓歩!!阿女知道後,今朝都話要跟埋一齊去喎!!仲跑左3個圏,即係1200米添!!

九月風暴

講既唔係前兩日既黑格比,而係月尾打到黎既玩具風暴!!忍手忍左成個月,個風終於都來臨啦!!今日先黎GX-43大武士,聽日再帶埋海皇,SIC,MR Batman返屋企就收工,我諗經過九月呢一役後,我要抖返個幾月先可以回返道氣喇!!

熱血攻略中

估唔到隻超級機械人大戰Z俾我預期早一日出,咁當然第一時間狂玩啦!!之前話左會玩真實系先,但結果都係揀返超級系!!地盤工人架修理屋真係好惡,厚甲得黎有HP回復,仲要加埋修理技能……仲有,小心俾佢首BGM洗腦.今集d畫面靚左好多,經PS3輸出個效果更加明顯.另外loading真係快得緊要,入戰鬥畫面好似唔洗load咁,用S/L大法都爽d.相信黎緊呢個幾月既夜晩,我都會係不停攻略機戰喇!!

瑞記開倉

今年睡横巷開倉日期係30/9至7/10.但睇哂成個list,不論貨品及價錢都無一樣吸引,有D價仲要俾街價貴,好似隻魂spec EVA咁,通街賣緊178啦!!至於隻GX-42,最平見過368添.雖然D野唔係好抵,但都會一樣照去,因為一早已答應左阿女帶埋佢去掃貨,睇怕今次又係買俾阿女多過買俾自己架啦!!

父女日

今日Ava要返學,仲要由朝返到晩,咁就剩返我地兩父女渡過.不過因為阿女要做功課,所以除左出街食飯外,成日就係留係屋企.好彩今晩都有節目,就係睇「家好月圓」大結局喇!!

超級機械人大戰Z

封塵已久既PS2即將解封,玩既當然係下星期推出既大作「超級機械人大戰Z」.電玩通評分係4個9分,好高分!!除左話新系統「三重戰鬥系統」優秀外,重話讀碟速度快左好多,咁如果擺落PS3度玩咪仲快,正!!以往自己一向習慣都係玩超級系先,但今次真係頂唔順個地盤工人,決定玩左真實系先!!

超級系

真實系

相信隻game星期二應該有貨啦!!而家睇住PV頂住癮先!!

Part 1

Part2

黄道十二宮篇 - 射手座艾奧羅斯

聖衣神話-黄金聖衣射手座艾奧羅斯是在2004年10月發售.聖衣形態十分華麗,前足如能提高一些,則可完全表現出原著神髓了.人形面相雖不太神似,但裝著後仍十分威武,由其是手拿弓箭,展開雙翼的姿勢.配件中附有星矢的頭作替換.

Box Art

聖衣形態

射手座黃金聖鬥士艾奧羅斯,十三年前為救雅典娜被篡位的撒卡追殺,臨死前將黃金聖衣與嬰兒交予城戶光政.其靈魂一直守護著女神以及成長中的青銅聖鬥士們,危難之中屢屢送上射手座聖衣為他們解難.

        出生地：希臘
        修業地：希臘聖域
        星座： 射手
        年齡： 享年14歲
        身高（cm）： 187
        體重（kg）： 85
        生日： 11.30
        血型： O