2009年5月30日星期六

阿女的班相



今個星期阿女開始要隔離啦!!因為又到考試啦!!


2009年5月29日星期五

DX超合金 - VF-25F W/ Super Parts


Bandai 明知你地班fans會自己自投羅網,仲唔屈得就屈,刻意係魂shop上推出的VF-25F Super Parts,定價又高,真係被殺得一頸血….講返套甲,除大腿兩旁的甲需要換件外,其餘全部一即上,而且上色及貼紙位都令人滿意.正所謂「人靠衣妝」,連玩物都係一樣,上甲後既VF-25F真係型好多!!


Box Art & Packing




Fighter Mode – 一向覺得VF-25F上甲後型過其餘三機,主要原因在於配色上,白撞藍,有明顯鮮明之分.






噴射引擎可作小許角度調較,飛彈倉門可打開.



PartsSMS Logo地台.可透過換件而供給三個形態之用,但不能調較角度,欠缺靈活性,SMS Logo沒有上色,毫無誠意,遲些自己搞掂好過!!




Gerwalk Mode – 完全没影响其活動能力,但大脾件甲非常容易脱落,好煩.








Battroid Mode外形不俗,脾甲問題外,其餘甲都扣得好實,最後自己在甲内用上寶貼,情況才有所改善.





活動能力同樣没受影响.







至於黎緊出既VF-25F Full Armor Parts,自己已決定放棄!!一來套甲只係最終話尾段出左一陣間,二來我機就得一架,要咁多套甲黎做乜!!



2009年5月27日星期三

DX超合金 - VF-25F (早乙女機)


早於年底前推出既第一批DX合金 VF-25F,因没行貨的關係,個價真係炒到上天,但仍不乏捧場客.直到上個月,再販貨終於再度上市,而且今次仲有行貨,貨源算係幾充足.而觀其BandaiVF-25F既銷售策略,暫時都應該唔會有機連PackBox set推出,見近日個價亦已回落到合理水平,所以唔等喇!!買左先至算啦!!


Box Art & Packing





比例1/60.先説Fighter Mode,始終Macross機設最吸引人既一定係戰機, Bandai今次算係交足功課,不論外形及機身貼紙位都十分令人滿意.






機倉打開,内藏駕駛員這類gimmick自然係不能少.至於起落架則略為馬虎了.Gunpod需運用小部件才可連接着機身,對執着於完全變形既朋友來説可能會有點美中不足吧!!







Gerwalk Mode – 最大問題一定係雙脚屈曲角度不足,不能做到逆噴射動作.慶幸脚部關節位用上合金制,企得十分穩陣,没有發軟蹄及失重心情況發生.








Battroid Mode – 變形過程不算得上複習,最困難都算係係機倉過胸囗時果個位,真係剛剛好位過,我第一次變時都搞左好耐.


外形不俗,初版時的短頸問題已改善,但頭部兩邊甲突出來既情況仍然存在,已試過其他方法仍不能像盒面那樣平排.自己特別喜歡眼部的透明部件,透光度足,好sharp!





Bandai今次係主要關節位均用上合金,整體給人一種實淨的感覺.雙手的活動範圍甚廣,但雙脚則略為有少少不足.




配件方面,替換手有四種.武器有盾及匕首,但可惜匕首不能像動畫般收納在盾内,Gunpod則可展開成射擊形態.






無可否認Bandai係設計變形玩具真係有一手,VF-25F個變形系統真係幾好.但對於其不斷係魂shop度出屈水配件,仲要定價甚高,呢樣真係最最最令人討厭.